നിങ്ങളുടെ വിശ്വാസം നഷ്ടപ്പെടുന്നതായി തോന്നുന്നുവോ?

പകർച്ചവ്യാധികൾ , പ്രകൃതി ദുരന്തങ്ങൾ, വംശീയ വിവേചനം, ദൈനംദിന ജീവിതത്തോടൊപ്പമുള്ള  പ്രതികൂല സാഹചര്യങ്ങൾ എന്നിവയിലൂടെ ജീവിക്കുമ്പോൾ, നിങ്ങളുടെ വിശ്വാസം നഷ്ടപ്പെടുന്നതായി പലപ്പോഴും അനുഭവപ്പെടാം.  നിങ്ങൾക്ക് ദൈവത്തിലുള്ള വിശ്വാസം നഷ്ടപ്പെടുക മാത്രമല്ല, മനുഷ്യത്വത്തിലോ പ്രിയപ്പെട്ടവരിലോ നിങ്ങളിലോ ഉള്ള വിശ്വാസം നഷ്ടപ്പെടുന്നതായി നിങ്ങൾക്ക് അനുഭവപ്പെടാം.

പലർക്കും ഇതുപോലുള്ള വികാരങ്ങൾ അനുഭവപ്പെടുന്നു, പ്രത്യേകിച്ചും നിങ്ങളുടെ ജീവിതത്തിലും നിങ്ങളുടെ ചുറ്റുമുള്ള ലോകത്തിൽ നടക്കുന്ന കാര്യങ്ങൾ നിയന്ത്രണമില്ലാതെ പോകുന്നുവെന്ന് തോന്നുമ്പോൾ. ജീവിതത്തിന്റെ എല്ലാ അനിശ്ചിതത്വങ്ങളാലും നാം ദഹിപ്പിക്കപ്പെടുമ്പോഴാണ് വിശ്വാസം ഏറ്റവും ആവശ്യമായി വരുന്നത്, മാത്രമല്ല അത് ഗ്രഹിക്കാൻ ഏറ്റവും ബുദ്ധിമുട്ടുള്ള സമയത്തും.  എല്ലാം ശരിയായി നടക്കുമ്പോൾ  വിശ്വസിക്കുന്നത് എളുപ്പമാണ്, എന്നാൽ അല്ലാത്തപ്പോൾ അത് കൂടുതൽ വെല്ലുവിളി നിറഞ്ഞതാണ്.

അതിനാൽ  വിഷമകരമായ സമയങ്ങളിൽ പ്രതിസന്ധികളോടുള്ള നമ്മുടെ കാഴ്ചപ്പാടുകൾ തിരിച്ചറിയുകയും നമ്മുടെ വിശ്വാസം പുനഃസ്ഥാപിക്കുന്നതിനോ അല്ലെങ്കിൽ മുറുകെ പിടിക്കുന്നതിനോ വേണ്ടി പ്രവർത്തിക്കുകയും വേണം.

എന്താണ് വിശ്വാസം?

ബൈബിൾ പറയുന്നു : "വിശ്വാസം എന്നതോ, ആശിക്കുന്നതിന്റെ ഉറപ്പും കാണാത്ത കാര്യങ്ങളുടെ നിശ്ചയവും ആകുന്നു." എബ്രായർ 11:1

 വേദപുസ്തകത്തിൽ ഇവിടെ മാത്രമാണ് വിശ്വാസത്തിന് വാക്കുകളാലുള്ള നിര്‍വചനം നൽകിയിരിക്കുന്നത്

(പ്രവൃത്തിയിലൂടെ അതെന്താണെന്ന് മറ്റ് അനേകം ഭാഗങ്ങളിൽ പറഞ്ഞിട്ടുണ്ട്). വിശ്വാസത്തിന് രണ്ടു തലങ്ങൾ ഉണ്ടെന്ന് മനസ്സിലാക്കാം.

1. ഭാവിപരം (നാം ആശിക്കുന്നത്).

(2). കാണപ്പെടാത്തത്.

ഈ രണ്ടു തലങ്ങളെക്കുറിച്ചും ദൈവം വാഗ്ദത്തം നൽകി. വിശ്വാസം ഈ വാഗ്ദത്തങ്ങളെ വിശ്വസിക്കുകയും, ഈ വെളിപ്പാടുകളിൽ ആശ്രയിക്കുകയും ചെയ്യുന്നു. ഇത് ഹൃദയത്തിൽ വിശ്വാസത്തിന്റെ ഉറപ്പ് നൽകുന്നു. വിശ്വാസം ഇരുട്ടിലേക്കുള്ള ഒരു എടുത്തുചാട്ടമല്ല, പ്രത്യുത വെളിച്ചത്തിലേക്കുള്ള ഒരു എടുത്തുചാട്ടമാണ്. അത് ആഗ്രഹത്താൽ ഉളവാകുന്ന ചിന്തയല്ല, ദൈവവചനത്തിന്റെ ശക്തമായ തെളിവിന്റെ അടിസ്ഥാനത്തിലുള്ളതാണ്.

നമ്മുടെ പ്രത്യാശയുടെ യഥാര്‍ത്ഥ അടിസ്ഥാനമാണ് വിശ്വാസം. വിശ്വാസം കൂടാതെ നമുക്ക് ഒന്നും ആശിക്കുവാൻ സാദ്ധ്യമല്ല, വിശ്വാസം കൂടാതെ ആശിക്കുന്നതിന് ഒരു അവകാശവും ഇല്ല. സകല പ്രതീക്ഷകളും തകർത്തുകളയാൻ പോന്ന തരത്തിലുള്ള എല്ലാ കഷ്ടതകളിലും, വിഷമങ്ങളിലും, പ്രയാസങ്ങളിലും നിലനിൽക്കുവാൻ നമ്മെ ശക്തരാക്കുന്ന ഒരു അടിസ്ഥാനമാണ്, ഒരു ഗുണമാണ് വിശ്വാസം.

"ഞാൻ ഭയപ്പെടുന്ന നാളിൽ നിന്നിൽ ആശ്രയിക്കും."

സങ്കീർത്തനങ്ങൾ 56:3

ഏറ്റവും ധൈര്യശാലികൾ പോലും ചിലപ്പോൾ ഭയചകിതരാകും. എന്നാൽ ഭയപ്പെടുമ്പോൾ  ദൈവവിശ്വാസത്താൽ ഭയത്തെ അകറ്റിക്കളഞ്ഞ് ദൈവത്തിന് സ്തുതി അര്‍പ്പിക്കുക.

എന്നാൽ ദൈവത്തിന്റെയോ പ്രിയപ്പെട്ടവരുടെയോ സാന്നിധ്യം നിങ്ങൾക്ക് അനുഭവപ്പെടാത്ത സമയങ്ങളുണ്ടാകാം.  യഥാർത്ഥത്തിൽ ഇപ്രകാരമുള്ള കാര്യങ്ങൾ അനുഭവപ്പെടുമ്പോഴാണ് നിങ്ങളുടെ വിശ്വാസത്തിന്റെ ആഴം മനസ്സിലാക്കാൻ കഴിയുന്നത്. 

മിക്ക ആളുകളും തങ്ങൾക്ക് വിശ്വാസമുണ്ടെന്ന് പ്രകടിപ്പിക്കുന്നു, എന്നാൽ വിശ്വാസം പരീക്ഷിക്കപ്പെടുമ്പോൾ വിശ്വാസം വെറും വാക്കുകളിൽ ഒതുങ്ങുന്നു .  അവർക്ക് യഥാർത്ഥത്തിൽ വിശ്വാസത്തിന്റെ ഗുണം പ്രാവർത്തികമാക്കാൻ കഴിയാതെ പോകുന്നു. മറികടക്കാനാകാത്ത സാഹചര്യത്തിൽ ദൈവം ഒരു അത്ഭുതം പ്രവർത്തിക്കുമെന്ന് വിശ്വസിക്കുക, അസാധ്യമായത് സാധ്യമാണ് എന്ന ആത്മവിശ്വാസം, അല്ലെങ്കിൽ സംഭവിക്കുന്നത് ഒരു വലിയ പദ്ധതിയുടെ ഭാഗമാണെന്ന് വിശ്വസിക്കുക.

വിശ്വാസം നഷ്ടപ്പെട്ടതായി തോന്നിയേക്കാവുന്ന കാരണങ്ങൾ.

ഒരാൾക്ക് വിശ്വാസം നഷ്ടപ്പെടാൻ തുടങ്ങുന്നതിന് വിവിധ കാരണങ്ങളുണ്ട്, ചില ഉദാഹരണങ്ങൾ ഇവയാണ്:

സമ്മർദ്ദം

വിഷാദം

നഷ്ടം

അസുഖം

അനിശ്ചിതത്വം

വഞ്ചന

ഭയം 

ഏകാന്തത

നിങ്ങളുടെ വിശ്വാസം നഷ്ടപ്പെടുന്നതായി തോന്നുമ്പോൾ എന്തുചെയ്യണം?

ആത്മീയതയിൽ വിശ്വാസം വളരെ പ്രധാനമാണ്, അത് മാനസികവും ശാരീരികവുമായ ക്ഷേമത്തിന് പ്രയോജനകരമാണ്.  വിശ്വാസം നഷ്‌ടപ്പെട്ടതുമൂലം വിഷാദം അനുഭവപ്പെടുന്നവർക്ക് ആത്മീയ പ്രവർത്തനങ്ങളിലെ പങ്കാളിത്തം വളരെ പ്രയോജനകരമാണെന്ന്  പഠനങ്ങൾ തെളിയിച്ചിട്ടുണ്ട് . പലരും പലപ്പോഴും വിഷാദ വികാരങ്ങളെ വിശ്വാസനഷ്ടവുമായി തുലനം ചെയ്യുന്നു.

എപ്പോഴെങ്കിലും നിങ്ങളുടെ വിശ്വാസം നഷ്ടപ്പെടുന്നതായി നിങ്ങൾക്ക് തോന്നുന്നുവെങ്കിൽ, ഇനിപ്പറയുന്ന നിർദ്ദേശങ്ങൾ പരിഗണിക്കുന്നത് നിങ്ങൾക്ക് പ്രയോജനമാകും.

1. നിങ്ങളുടെ ബലഹീനത അംഗീകരിക്കുക.